Carlemaño

Article on other languages:

del.icio.us del.icio.us
Digg Digg
Furl Furl
Reddit Reddit
Rojo Rojo
Add to OnlyWire
Carlomaño
Carlomaño
Informazión
Emperador en Sacro Imperio Román Chermanico Sacro Imperio Román Chermanico
dende 25 d'abiento de 800
dica 28 de chinero de 814
Prezedito por
Suzedito por Ludovico Pío
Naximiento 2 d'abril de 742
Muerte 28 de chinero de 814

Carlemaño u Carlos I O Gran estió rei d'o Reino franco y, dende o 25 d'abiento de 800, o primer emperador d'o Sacro Imperio Román Chermanico. Naxió en bel lugar d'a Renania, ye fázil que en Aquisgrán, o 2 d'abril de 742, y morió o 28 de chinero de 814 en Aquisgrán (güé en Alemaña).

Carlomaño yera fillo d'o rei franco Pepín lo Petit y de Bertha de Laon, encara que fillo ilechitimo dica o matrimonio d'os suyos pais dimpués d'a suya naxenzia.

Campañas cuentra os musulmans de l'Al Andalus

Carlemaño rezibió en Padeborn a lo Güali de Zaragoza, debantato contra o Emir de Cordoba, e dezibió aduyar-lo. En primabera de 778 nimbió una doble espedizión a la península iberica: un exerzitó trescurzó os Perineus orientals y él mesmo con atro exerzito pasó por Gascuña, Nabarra, Pamplona e Uesca e s'achuntó con l'atro cuerpo chunto a Zaragoza, que, en cuentra d'o prebisto no li ubrió as puertas. No podendo prener a ziudat, se'n tornó por o mesmo camín, y en Pamplona escachó as murallas. Sin d'embargo en agosto de 778 os bascons acotoloron a suya retaguardia, incluito Roldán (o prefecto de Bretaña), en la que será conoxita como Batalla de Ronzesbals. Seguntes parix alabez os ispano-cristians encomenzoron a ocupar franchas perinencas d'a Aquitania carolinchia.

En l'año 793 os arabes e berbers de l'Al Andalús atacoron e tornoron a ocupar territorios oczitans que ya eban ocupato en atras ofensibas e que eban tenito que dixar a los francos. Cuan plegoron enta Narbona o marqués Guillén los aturó en a marguin de l'Orbieu, entre Narbona e Carcasona, forachitando-los de nuebo t'a peninsula iberica. En l'año 795 os exerzitos francos penetroron de nuebo en a peninsula ocupando Chirona, Cardona e Vic, mientres os musulmans disidents clamaban a los francos en l'año 799 pa que los aduyasen en l'Alto Aragón e Balears. Dimpués de 2 añatas de setio Barzelona capetuló e lo rei Luís, fillo de Carlemaño entró en la ziudat (801). D'esta traza se formó, encara unita a Septimania, lo que dimpués será a Marca Ispanica.

A partir de l'año 806 los musulmans saqueyoron Corzega, Probenza e Italia, e l'exerzito terrestre franco prenió Pamplona en l'año 806, plegó enta l'Ebro en l'año 809, no podió prener Uesca, pero prenió Tortosa en l'año 812.

Carlemaño en fuents aragonesas

En o Liber Regum lo menzionan como Charle Mayne. Lo menzionan como Charlemaine en o Libro de las Maravillas del Mundo, en un parrafo on a onomastica emplegata ye franzesa. En o Libro de los Emperadores s'escribe Rey Carles, egual que en atros libros aragoneses meyebals.

est rei Pepín lo Petit priso muller la reina Bertha con los grandes pedes, qui fo filla de Floris e de Blanca Flor, et ovo en ela fillo a Charle Mayne. (Liber Regum)
— '

Enrastres esternos

 Se beigan as imachens de Commons sobre Carlomaño.
Otenito de "http://an.wikipedia.org/wiki/Carlema%C3%B1o"

This article is from Wikipedia. All text is available under the terms of the GNU Free Documentation License.